Александра Сергеевна

Чунран тухнӑ юрӑсем Песни души

Каякан Уходящий

Каякан

Шухăшсене

Чӑматана пуҫтарать те

Ҫула тухать.

Вӑл умнелле пӑхать.

Юлакан

Юлашки тӗл пулнӑ саманта

Пуҫа майласа хурать те

Иртнӗ вӑхӑтра

Калаҫать.

Каякан

Ҫӗнӗллӗхе тутанать.

Юлакан

Кун шӑтӑккисене

Саплать.

"Нихăçан,

Тен, тӗл пулмӑпӑр",

- тет пӗри.

"C'est la vie",

- хуравлать тепри.

Уходящий

Собирает мысли в чемодан

И в путь.

Он смотрит вперед.

Тот, кто остался,

Собирает в голову последнюю встречу

И говорит в прошедшем времени.

Уходящий

Пробует новую жизнь на вкус.

Тот, кто остался,

Латает дыры дней.

«Возможно, никогда не встретимся», - говорит один.

"C'est la vie", - отвечает другой.

Пурнӑҫ ҫулӗпе утса Шла я по дороге жизни

Пурнӑҫ ҫулӗпеутса

Тӗттӗм вӑрмана кӗтӗм.

Аташрӑм, ҫулне аран

Тупрӑм.

Тупрӑм, тупрӑм.

Ҫутӑ илӗртнӗ пула

"Мӗншӗн" ялне кӗтӗм.

Ӑшри кашни сӑлтава

Тӗпчерӗм.

Тӗпчерӗм, тӗпчерӗм.

Ҫулҫӳренӗ вӑхӑтра

"Манӑҫ" хулине кӗтӗм.

Ҫамрӑклӑх йӑнӑшӗсене

Мантӑм.

Мантӑм, мантӑм.

Пӗр сӑлтавсӑрах вара

Пурнӑҫ ҫулне такӑр турӑм.

Ман пек утакан ҫынпа

Паллашрӑм.

Паллашрӑм, паллашрӑм.

Хампа хам паллашрӑм иккен,

Хампа хам.

Ҫула майлӑ утаканӗ

Пултӑм хам.

Хам, хам. Пултӑм хам.

Шла я по дороге жизни,

Забрела в темный лес.

Заблудилась, еле нашла

Дорогу.

Нашла, нашла.

Свет, было манил меня,

И забрела я в деревню «Почему».

Изучила каждое «почему»,

Что в душе хранила.

Изучила, изучила.

Во время путешествия

Забрела я в город «Забытьё».

Забыла там ошибки

Молодости.

Забыла, забыла.

И тогда без всякой причине

Пошла по дороге жизни.

В пути познакомилась с путником,

Таким же, как я.

Познакомилась, познакомилась.

С собой, однако, познакомилась,

С собой.

Той, кому было со мной по пути,

Оказалась я сама.

Сама, оказалась я сама.

Ҫӗнӗ ҫулта В новый год

Ҫӳлелле, ҫӳлелле, тӑвалла, тӑвалла,

Каймалла, каймалла, малалла, малалла.

Ҫӗнӗ ҫулта, ҫӗнӗ ҫулта, тӑвалла, малалла.

Такӑнап, йӑнӑшап, кулянап, макӑрап,

Йӑл кулап, савӑнап, ташласа та парап.

Тарӑхап, лӑпланап, ывӑнсан канкалап,

Шухӑша та путап. Тем туса та пӑхап.

Ҫӗнӗ ҫулта, ҫӗнӗ ҫулта, тӑвалла, малалла.

Ҫул ҫӳреп, ӳкереп, илемпе килленеп.

"Мӗн пулать ха?" - тесе шутласа та ҫӳреп.

Кун иртет, ҫул иртет, ыррине ҫын кӗтет.

"Эп те ҫӗнӗ ҫулта чаплӑ пурӑнӑп," - тет.

Ҫӗнӗ ҫулта, ҫӗнӗ ҫулта, тӑвалла, малалла.

Наверх, наверх, в гору, в гору,

Надо идти, вперед.

В Новый год, в гору, вперед.

Спотыкаюсь, делаю ошибки, беспокоюсь, плачу,

Улыбаюсь, радуюсь, а то и станцую.

Злюсь, успокаиваюсь, а если устану, отдыхаю,

И в мыслях тону. Чего только не делаю.

В Новый год, в гору, вперед.

Путешествую, рисую, наслаждаюсь красотой,

Думаю о будущем.

Проходит день, проходит год, человек ждет доброго.

Говорит: «И я в новом году буду хорошо жить».

В Новый год, в гору, вперед.

Аякра чухне Вдали

Ҫутӑ йӗппи

Ҫеҫке витӗр тухса

Тӗрӗ тӑвать.

Ют вырӑнта

Ҫав ҫутӑ тӗррийӗ

Киле тавӑрать.

Тин-тин атте

Ҫулса прахнӑ курӑк

Шӑршӑ сарать.

Ют вырӑнта

Ҫав курӑк шӑршийӗ

Киле тавӑрать.

Чӑваш тӗрри

Кӗмӗл ҫӗрӗ ҫинче

Савӑнтарать.

Ют вырӑнта

Ҫав ҫӗрӗ тӗррийӗ

Киле тавӑрать.

Шӑп аннен пек,

Пулать ун пекки те,

Сӑмах тухать.

Ют вырӑнта

Аннеҫӗм сассийӗ

Киле тавӑрать.

Иголка солнца, пройдя сквозь дерево, что в цвету, вышивает узоры.

В новом месте тот самый узор возвращает домой.

Трава, которую только-только скосил отец, приятно пахнет.

В новом месте тот самый запах травы возвращает домой.

Чувашский узор на серебряном кольце радует.

В новом месте узор того самого кольца возвращает домой.

Бывает и такое, слово скажу, прямо как мама.

В новом месте тот самый голос мамы возвращает домой.

Йӑх аннисене калам Скажу женщинам рода

Ыйтрӗҫ хайхине манран:

"Пур ятран та ҫук ятран

Кама савса хӑналан?

Кампа ларса калаҫан?"

Ҫакӑ чӑн та пур пулсан,

Кукамайпа тӗл пулам,

Ыйтма пӗлмен ыйтусене,

Шӳтлемен шӳтсене,

Макӑрман куҫҫульсене

Калаҫса сӳтсе явам.

Ҫакӑ чӑн та пур пулсан,

Йӑхри мӗнпур арӑмпа

Ячӗсене ыйтса пӗлсе,

Сӑнӗсене астуса,

Чунӗсене тавҫӑрса

Палламан пек паллашам.

Ҫакӑ чӑн та пур пулсан

Йӑх аннисене калам:

"Ячӗсене пӗлмесен те,

Сӑнран палламан пулсан та,

Нихçан тӗл пулман пулсан та

Эсир манпала паян".

Вдруг спросили меня:

Из всех имен, что есть,

Кого бы ты хотела в гости позвать?

С кем хотела бы поговорить?»

Раз такое может быть правдой,

Встретилась бы с бабушкой,

То, что не смела спросить, спрошу,

Пошутим, выплачем невыплаканные слезы.

Раз такое может быть правдой,

Познакомлюсь со всеми женщинами рода.

Узнаю их имена, запомню их лица,

пойму их душу.

Раз такое может быть правдой,

Скажу женщинам рода:

«Даже если не знаю ваших имен,

Даже если не узнаю вас с лица,

Даже если вас никогда не видела,

Вы сегодня со мной».

Ҫерҫи пек килте юл Останься как воробей

Пӗр кун пурӑннӑ ҫынран

“Пурнӑҫ - мӗн?” - тесе ыйт.

Пӗр кун юратнӑ ҫынран

Юрату пирки ыйт.

Сик, сик, сик, сиктерет, чуптарать,

Ҫывӑрма, вӗренме, ӗҫлеме мантарать.

Чуп, чуп, чуп, хӗрне яш чуп тӑвать,

Тепӗр кун та унпа тӗл пулма вал шанать.

Пӑртак вӑхӑт иртсессӗн

Иккӗленме пуҫлан.

Те пӗрле пулсан лайӑх,

Те тӑрук уйрӑлсан.

Ай-ай-ай, аякалла кай,

Акӑшсемпе пӗрле кӑнтӑра вӗҫсе кай.

Кил-кил-кил, ҫерҫи пек килте юл,

Кун-ҫула ирттерсе манпа юнашар пул.

Суйлама йывӑр мар-и?

Хӑнӑхса йышӑнма.

Тупнине йывӑр мар-и

Упраса хӑварма?

Чуп, чуп, чуп, хӗрне яш чуп тӑвать,

Тепӗр кун та унпа тӗл пулма вал шанать.

Кил-кил-кил, ҫерҫи пек килте юл,

Кун-ҫула ирттерсе манпа юнашар пул.

У человека, прожившего один день

Спросите о том, что такое жизнь.

У человека, любившего один день,

Спросите о любви.

Заставляет прыгать и бегать,

Забываешь о сне, учебе, работе.

Парень целует девушку,

Надеется с ней и завтра встретиться.

Пройдет немного времени,

И начинаешь сомневаться.

То ли лучше вместе остаться,

То ли расстаться.

Уходи далеко,

Улети на юг вместе с лебедями.

Останься дома как воробей,

Останься рядом со мной на всю жизнь.

Разве не сложно выбрать,

Привыкнуть принять?

А то, что нашла,

Разве не сложно сохранить?

Парень целует девушку,

Надеется с ней и завтра встретиться.

Останься дома как воробей,

Останься рядом со мной на всю жизнь.

Лӑплантӑм Успокоилась

"Ҫамрӑклӑх", -

Пӳрнепе йӗрлерӗм

Хӑйӑр ҫинче.

Тинӗс тискеррĕн

Ҫупса ҫуса ячӗ

Эп ҫырнине.

"Лаш, лаш!" -

Аслӑ тинĕс сасси

Сӑпка юрри пек

Лӑплантарать.

"Лаш, лаш!" -

Йӑпантарать.

"Хурланап", -

Ҫапла ҫырас килчӗ

Хӑйӑр ҫине.

Тинӗс куна та

Ҫупса ҫуса ячӗ:

Илет хӑйӗнне.

"Лаш, лаш!" -

Аслӑ тинĕс сасси

Сӑпка юрри пек

Лӑплантарать.

"Лаш, лаш!" -

Йӑпантарать.

«Молодость», - написала пальцем на песке.

Море с силой смыло написанное мною.

"Лаш, лаш!" – голос моря успокаивает меня как колыбельная.

"Лаш, лаш!" – утешает.

«Печалюсь», - так захотелось написать на песке.

И это море смыло: берет свое.

"Лаш, лаш!" – голос моря успокаивает меня как колыбельная.

"Лаш, лаш!" – утешает.

Ҫӗр туртӑмӗ Земля притягивает

Эпӗ, хӗр пӗрчи,

Ҫӗр пӗрчи пулӑп.

Ҫавна пӗлсе

Ҫӗр мана юратать,

Хӑй ҫумне туртать.

Я, девочка-крошка,

Буду крошкой земли.

Зная это,

Земля меня любит,

Притягивает к себе.

Олимпийка

Пурччӗ ман пӗрремӗш класра

Олимпийка.

Юратса тӑхӑнаттӑм ҫавна.

Ӳкерчӗксем те пур.

Куҫ хупса курма та пултаратӑп

Ӑна.

Кайран пулнӑ

Тем тӗрлӗ кипке те,

Хакли, йӳнни,

Лайӑххи, начарри,

Нумай тӑхӑнни, хӑвӑрт персе яни.

Анчах киле таврӑнса

Ҫав олимпийкӑна тупсанах

Ҫав ҫипуҫпа ҫыхӑнни

...

2025

Была у меня в первом классе

Олимпийка.

Как я любила ее.

Есть и фотографии, где я в ней.

Могу прямо сейчас закрыть глаза и представить

Ее.

Потом были

Разные куртки,

Дорогие, дешевые,

Хорошие, плохие,

Те, которые долго носились и те, которые скоро пришли в негодность.

Но если бы, вернувшись домой,

Я нашла ту олимпийку,

Связанное с ней

...

2025

Мӗн ыйтан

«Мӗн ҫирӗн?» - тесе ыйтсан,

«Ҫавна-ҫавна», - тесе хуравлать вӑл.

«Ӑҫта кайрӑн?» - тесен,

«Ҫавӑнта-ҫавӑнта».

«Мӗн пуҫа ваттарать?» - тесе ыйтсан,

Чуна уҫса калаҫӗ вӑл.

Мӗн ыйтан, ҫавна туянан.

2025

Если спросить: «Что поела?»

«То да это», - ответит она.

«Куда пошла?»

«Туда и туда».

Если спросить: «Чем занята твоя голова?»

Она раскроет душу.

Что спросишь, то и получишь.

2025

Хӑш-пӗрине манаймӑн

Хӑш-пӗрине

Темиҫе пурнӑҫ пурӑнсан та

Манаймӑн.

Апла пулсан та

Ан хӑра,

Ҫисе ярайманнине чашӑк ҫинче хӑварма та;

Ан васка,

Кану кунӗнче ҫывӑрса тӑранма та;

Ан шиклен,

Палламан ҫынпа кӑмӑллӑн калаҫма та

ЮРАТЬ.

2025

Некоторое,

Даже если прожить несколько жизней,

Не забывается.

Пусть это так, но

Не бойся,

И оставить то, что не можешь доесть;

Не спеши,

И выспаться в свой выходной день;

Не робей,

И быть дружелюбным с незнакомцем

МОЖНО.

2025

Пилеш

Пилеш,

Пальмӑран та илемлӗ эс.

Ав, ҫӑхан та санпа киленет.

Пӗр сапака татнӑ та

Вӗҫет.

2025

Рябина,

Ты и пальмы краше.

Вот и ворон радуется тебе.

Сорвал горсть и

Летит.

2025

Суйламан

Хӑв суйламан, паллах,

Кунта ӳсме.

Ӑҫта ӳксе юлнӑ,

Ҫавӑнта тымар янӑ та.

Пӗлет ӑна вӑл,

Иртекен.

Ҫапах та ҫапса хӑварать.

Вӑрҫса илни те пулать

Сана,

Ҫул патне ытла ҫывӑх ӳссе

Тымар янӑ йывăҫа.

Никто ж тебя не спрашивал,

Хочешь ли ты здесь расти.

Куда упало семечко,

Там и пустило корни.

Путник знает об этом,

И все же просит тебя убраться

Со своего пути.

Бывает, обругает еще

Тебя,

Выросшее слишком близко к дороге

Дерево.

Аслӑ кукамай патĕнче

"Чӗрик-чӗрик" , -

Пусма сас парать.

"Нӑрт", -

Алӑк уҫӑлать.

Туйи шарламасть. Ун ҫине тайӑнса

Эрешмен

Пӗр сӑмах чӗнмесӗр

Картине карать.

"Шарт-шарт", -

Кӑмакара вут ҫунни илтӗнетчӗ ӗлӗк.

Шӑпӑрт.

"Ти-тӳ, ти-тӳ", -

Сехете ӗҫлеттерсе ячӗ атте.

2025

"Чирик-чирик", -

Заскрипела лестница.

"Нарт", - открылась дверь.

А трость молчит.

Оперевшись на нее,

Паук,

Не проронив ни слова,

Плетет свою паутину.

"Шарт-шарт", -

Раньше было слышно,

Как в печке горели дрова.

Тихо.

"Ти-тю, ти-тю", -

Папа завёл часы.

2025

Япӑх

"Тӳсме май ҫук".

"Вӑрласа пӗтернӗ".

"Вӗрентме пӗлмеҫҫӗ."

"Сиплеме те".

"Тек ҫумӑр ҫӑвать".

"Тек сивӗ".

Эп пӗлмен те...

2025

"Невозможно терпеть".

"Воруют".

"Не умеют учить".

"И лечить".

"Всё время дождь".

"Всё время холод".

Я и не знала...

2025

Ятӑм

Кам аллинче ятӑм?

Ыттисем усӑ кураҫҫӗ ӑна.

Мана панӑ ӑна, хам суйламан.

2025

В чьих руках имя моё?

Его используют другие.

Мне его дали, сама не выбирала.

Чӗрӗ

Ура пусрӑм -

Ҫӗрӗ чӗрӗ.

Чӗрӗ ҫӗрӗ,

Туйрӑм эпӗ.

Туйрӑм...

Эпӗ чӗрӗ.

2025

Наступила -

Земля сырая (*живая).

Сырая земля,

Я это почувствовала.

Почувствовала...

Я живая.

* В чувашском языке "чӗрӗ" - живой, сырой.

Кил, тусӑм

Кил, тусӑм, ҫулҫӑ ӳкнине итлеме,

Пӗрремӗш хут итленӗ пек,

Паян ҫак ӗҫ ҫеҫ пулнӑ пек.

Кил, тусӑм, хуларан.

Эпӗ сана,

Ҫулҫӑ ҫумрипе йӗпеннӗскер,

Вӑрманта кӗтетӗп.

2025

Приходи, подруга, послушать, как падают листья,

Как будто ты слушаешь их в первый раз,

Как будто сегодня есть только это дело.

Приезжай, подруга, из города.

А я, промокшая под дождём из листьев,

Буду ждать тебя

В лесу.

Кутамкка

Йывăр.

Йывăр кутамкка.

Хам чышса тултарнӑ ҫав.

2025

Котомка

Тяжёлая.

Тяжёлая котомка.

Сама ведь ее набила.

2025

Тӳпере

Ӗлӗк тӳпере кайӑксем кӑна хуҫаланнӑ...

27.09.2025

Раньше в небе только птицы хозяйничали...

27.09.2025

Чуп вара

Хӗвел анса лариччен,

Кӑмӑлӑм улшӑниччен

Ӗмӗте халь пурнӑҫлам,

Шеллессе кайран тӑвам.

Ури пуҫӗнчен малта,

Чуп вара, чуп вара.

Ури пуҫӗнчен малта,

Чуп вара, чуп вара.

Пока солнце не село,

Пока настроение не поменялось,

Осуществлю мечту сейчас,

Жалеть - это потом.

Ноги впереди головы,

Вот и бегай тогда, вот и бегай.

Ноги впереди головы,

Вот и бегай тогда, вот и бегай.

Пӗлӗт

Витĕр шӑтарса тӳпелле вӗҫсен

Тин

Сан вӑрттӑнлӑха

Пӗлтӗм.

Пӗлӗт,

Ҫынна курӑнман енчен те

Кӑтра-ҫке эсӗ.

Ман валли мар,

Хӑв валли

Капăрланан.

2025

Сквозь тебя и в небо полетела.

Только тогда

Узнала твой секрет,

Облако.

Облако,

Оказывается ты кудрявое

И со стороны, не видимой мне.

Не для меня,

А для себя

Наряжаешься.

2025

Гималай сӑрчӗсем

Гималай сӑрчӗсенчен салам!

Атте, Алтӑр ҫӑлтӑр кунта та хӑй вырăнӗнче.

Анне, Ольаппи, эп шӑнмастӑп.

Утнипе пуҫ тасалать,

Тарланипе ӳт.

Савӑнӑҫлӑ-и эпӗ? Телейлӗ?

Хавас? Тулли кӑмӑллӑ?

Лӑпкӑ? Канӑҫлӑ?

Мунчаран тин тухнӑ хыҫҫӑн пек?

Лӑпланнӑ пек ?

Ҫук.

Эп мӗн туйнине ӑнлантармалла пулсан,

Ку сӑмахсен пӗлтерӗшне

Пӗрле ирӗлтерсе пӗр сӑмах туптамалла.

Ҫӗнӗ сӑмах шухăшласа кӑларам.

...

Ҫук. Тухмасть ҫӗнӗ сӑмах.

Ятсăр, туйӑмсӑр туйӑм.

2025

Привет из Гималаев!

Папа, Большая медведица и здесь на месте.

Мама, тетя Оля, я не мерзну.

С каждым шагом в голове легче,

С каждой каплей пота - в теле.

Радостная ли я? Счастливая?

В хорошем настроении?

Успокоенная, умиротворенная?

Как будто только что вышла из бани?

Будто успокоилась?

Нет.

Если попытаться объяснить, что я чувствую,

Придётся расплавить их значения и выковать новое слово.

Придумаю новое слово.

...

Нет, не выходит новое слово.

Безымянное, бесчувственное чувство.

2025

Хӗвел ларчӗ Солнце село

Хӗвел ларчӗ,

Кун ӑнчӗ.

Ыран та хӗвел тухать,

Ыран та кун ӑнать.

Солнце село,

День удался.

И завтра солнце взойдет.

И завтра день удастся.

2025

Уҫман Не открывала

Шкул уҫман эпӗ,

Амарика та.

Ак паян юр уҫрӑм.

2026

Не открывала я школ,

Ни Америки.

Вот сегодня снег открыла. (Игра слов. По-чувашски это – расчистить снег)

Шӑлан ҫырли - Шиповник

Шӑлан ҫырли

Пӑрланса капӑрланнӑ.

Ҫӗнӗ ҫула уявлама-и?

Пуш уйӑхӗ вӗт, пӗлмесӗр юлтӑн пуль.

А, ман валли ытарайми хитре-и?

Тавах, питӗ килӗшрӗн.

Куҫ илмесӗр пӑхатӑп сан ҫине.

2026

Шиповник нарядился льдинкой.

На Новый год?

Ты, может, не знаешь,

На дворе уж март.

А, ты это для меня такой красивый?

Спасибо, очень понравился.

Глаз не отвести.

Сехет - Часы

Пӗр-пӗрне юсаса пурӑнатпӑр...

Усси ҫук пулас.

Пурпӗрех

Кашни сехет

Хӑй вӑхатне кӑтартать.

2026

Чиним друг-друга, чиним (в значении «поучать»)...

Кажется, толку нет.

Все равно

Каждые часы

Показывают время по-своему.

Пӗрремӗш ҫумӑр Первый дождь

«К. К. К. К. К.

Ки. Ки. Ки.

Килте. К. К.

Килте лар. Килте лар!

Килте лар!» -

Пӗрремӗш ҫумӑр чӳречерен шаккать,

Вӑратрӗ.

- Лар килте, - чарӑнма пӗлмест.

- Сана курма хавас.

Килте ларма та.

Чим-ха анчах,

Мана чӑхсем кӗтеҫҫӗ.

2026

«До. До.

До. До. До. До.

Си. До. Си. До.

Дома сиди. Дома сиди.

Сиди дома.

Сиди дома!» -

Первый дождь стучится в окно,

Разбудил.

- Дома сиди, - не прекращает он.

- Рада видеть тебя.

И дома сидеть тоже.

Да, но

Меня ж куры ждут.

2026

Асамлăх Чудо

"Асамлăх" сӑмахӗ ыраттарать.

Ӑна

Мӗн тума пултарнине

Туса пӑхсан,

Мӗн тумалла-ши тесе аптрасан

Тин

Шанӑҫпа

Аса илетӗп

Та-ха.

2026

От слова "чудо" больно.

Ведь я

Вспоминаю его с надеждой

Тогда,

Когда уже

Сделала все,

Что в моих силах,

Когда не знаю,

Как быть.

2026

Юнашар утакан

Юнашар утма пуҫличченех:

"Сан ӑҫта çитмелле?" -

Тесе ыйтмаллаччӗ.

2026

Ещё до того, как выйти вместе в путь,

Нужно было спросить:

"А тебе куда?"

Спасибо за чтение

Вернуться к книге